21 қыркүйектен бері Қазақстанға 200 мың ресейлік келген: Олардың 70 мыңы ЖСН алған

Астана. 4 қазан. 7kun.kz – 21 қыркүйектен бері Қазақстанға 200 мыңға жуық ресейлік келген, олардың 147 мыңы елден шықты. Бұл туралы Ішкі істер министрі Марат Ахметжанов айтты, деп хабарлайды 7kun.kz.

Ведомство басшысының айтуынша, 21 қыркүйектен бері Қазақстанға келген 70 мың ресейлік қана жеке сәйкестендіру нөмірін алған.

Айта кетейік, РФ азаматтары ішінара мобилизация жарияланғаннан кейін Ресейден жаппай кете бастады. ҚР Ішкі істер министрлігі 21-28 қыркүйек аралығында мигранттардың ең көп санын тіркеді. Қазір келушілер легі азая бастады.