Әзербайжанға аударылатын ақша көлемі 1,2 млрд долларға төмендеді

cbar.az

2015 жылы Әзербайжанға аударылатын ақша көлемі өткен жылмен салыстырғанда 1,7 млрд -тан 1,2 млрд долларға қысқарды. Бұл еңбек нарығы шоғырланған мемлекеттердің экономикалық проблемаларына байланысты, деп жазды Reuters агенттігі мелмекеттің Орталық банкіне сілтеме жасап.

Агенттіктен хабарланғандай, серіктес елдердің жағымсыз экономикалық жағдайы Әзірбайжанға  аударылатын ақша көлеміне де әсерін тигізді.

Айта кетейік, Каспий маңындағы мұнай мен газ экспортына тәуелді 9 млн халқы бар Әзірбайжан мұнай бағасының түсуінен ұлттық валютаның девальвациясын бастан өткерді.

Сондай-ақ, Әзербайжанның Орталық банкі елдегі  тұрақты валюта қоры сыртқы қарыздан бес еседен көп және екі жарым жылға жетеді, деп мәлімдеген еді.