Валюта бағамыЖаңалықтарҚаржыТаңдаулы1

Теңгенің нарықтық бағамы бір аптаның ішінде 0,7 пайызға нығайды

Алматы. 14 мамыр. 7kun.kz – 11 мамырдағы сауда-саттық қорытындылары бойынша теңгенің нарықтық бағамы бір аптаның ішінде 0,7%-ға (328,85-тен) нығайып, бір АҚШ доллары үшін 326,4 теңге деңгейінде қалыптасты.

Дамушы елдердің валюта бағамдарының АҚШ долларына қарағанда серпіні мынадай түрде қалыптасты:

Түрік лирасы 2,1%-ға (4,23-тен 4,32-ге дейін) әлсіреді. Валюта апта басынан бастап әлсіреуін бастады, алайда Түркияның Президенті Р.Т.Эрдоғанның ұлттық валютаның ағымдағы құны іргелі факторларды ашып көрсетпейтіні, сондай-ақ Түркияның Орталық банкі басшылығының жоспардан тыс кездесулерінен кейін бағаны тұрақтандыру үшін ықтимал интервенциялар туралы болған алыпсатарлықтар әлсіреуді тоқтата тұрды.

Бразилия реалы Бразилияның Орталық Банкінің төрағасы Илан Голдфайннің 6,5%-дық нысаналы инфляцияға жетуге қатысты түсініктемесінен кейін реттеушінің базалық мөлшерлемені төмендетуі арқылы монетарлық саясаттың ықтимал жұмсаруы туралы алыпсатарлық аясында 2,0%-ға (3,53-ке 3,60-қа дейін) әлсіреді;

Мексика песосы 0,8%-ға (19,27-ден 19,42-ге дейін) әлсіреді;

Үндістан рупиясы 0,7%-ға ( 66,87-ден 67,33-ке дейін) әлсіреді;

Индонезия рупиясы бір апта бойы бір АҚШ доллары үшін 113 945-13 960 деңгейдегі шектерде айтарлықтай өзгеріссіз саудаланды;

Ресей рублі әлемдік нарықтарда мұнай құнының өсуі есебінен 0,8%-ға (62,46-дан 61,93-ке дейін) нығайды.

Оңтүстік Африка рэнді өткен аптаның шығындарын қалпына келтіріп, 1,9%-ға (12,50-ден 12,26-ға дейін) нығайды.

 

Tags

Осы айдарда

Close