Астана әуежайындағы терминал құрылысы үшін 60 млрд жұмсалады

Астана әуежайындағы терминал құрылысы үшін 60 млрд жұмсалады

Елорда әуежайындағы жаңа терминалдың құрылысы үшін  60 млрд теңге  бөлінген, 2017 жылдың наурызында аяқталуы керек. Бұл туралы «Қазақстан темір жолы» Ұлттық компаниясы» АҚ-ның вице президенті Қанат Алпысбаев мәлімдеді.

«Жобада жаңа терминал мен жаңа перронның  құрылысы, ұшып-қону алаңын капиталды жөндеу жұмыстары және жарық-дабыл құрылғыларының  орнатылуы қарастырылған. Аталған жобаны 2017 жылдың наурызында аяқтаймыз деп жоспарлап отырмыз», — деді ол Астанадағы аймақты даму және экономикалық реформа бойынша отырыста.

Қанат Алпысбаевтың атап өтуінше, жобаны іске асыру арқылы әуежайдың жолаушыларды тасымалдау қабілеті  жылына 3 млн адамнан 7 млн-ға дейін көбейеді.

Еске салайық, осыған дейін ел президенті Нұрсұлтан Назарбаев 2015 жылы Астана әуежайында жаңа терминал салып, ұшып-қону алаңын қайта жөндеуден өткізуді тапсырған еді.