Күндізгі сессия қорытындысы: 1 доллар — 338,68 теңге

264
Фото: forbes.kz

Қазақстан қор биржасында (KASE) 19 шілдедегі күндізгі сессия қорытындысы бойынша доллардың орташа бағамы 338,68 теңге болды. Бұл туралы биржаның ресми сайты хабарлады.

KASE ақпаратына сәйкес, күндізгі сессияда сауда көлемі 25 млн 450 мың доллар болды. Валюта операциясына байланысты келісім саны — 72. АҚШ долларына қатысты сауданың төменгі курсы 338,30 теңгені құрады. Жоғарғы курс — 339,90 теңге, сауданың аяқталуы кезінде 339,80 теңге болды.

Айта кетейік, 2016 жылдың 5 қаңтарынан бастап шетел валюталарына қатысты теңге курсын белгілеу туралы ережеге өзгерістер мен толықтырулар енгізілді. Енді долларға қатысты теңгенің орташа ресми бағамы Қазақстан қор биржасындағы таңғы және күндізгі сессия қорытындысы бойынша белгіленеді.

Ақша айырбастау орындарында 19 шілдедегі доллардың жоғарғы курсы — 341 теңге (Алматы уақытымен – 15:30).