Mgov мобильді базасына 7 миллионнан астам қазақстандық тіркелген

614
7
Фото: kaz.tengrinews.kz

Алматы. 26 қараша. 7kun.kz — Mgov мобильді азаматтардың деректер базасында 7 миллионнан астам азамат тіркелген, телеграм-ботты 654 мыңнан астам, Egov mobile-ді — 205 мыңнан астам адамды жүктеді. Бұл туралы Үкімет отырысында «Азаматтарға арналған үкімет» мемлекеттік корпорациясы басқармасының төрағасы Әсемгүл Балташева мәлімдеді.

«Егер бұрын азаматтардың басым бөлігі egov.kz электрондық үкімет порталы арқылы қызмет алса, қазір EgovKzBot2.0 телеграм-боты, Вконтакте, Facebook әлеуметтік желілері және Egov mobile мобильді қосымшасы арқылы қызмет алушылардың саны артып келеді», — деді ол.

Мобильді азаматтар базасына қатысу қазақстандықтарға мобильді үкімет ұсынатын барлық ыңғайлықтар мен функцияларды пайдалануға мүмкіндік береді.

«Атап айтқанда, Egovmobile мобильді қосымшасын қолдану арқылы мемлекеттік қызметтер мен сервистердің 28 түрін алуға болады, мысалы, психологиялық, есірткі, туберкулезге қарсы диспансерлердің анықтамалары, жылжымайтын мүліктің болуы немесе болмауы туралы анықтама және т.б. Бұдан былай оларды алу үшін ХҚКО — на барудың қажеті жоқ, мобильді азаматтар базасында бір рет тіркеліп, қосымшаны жүктеп алу жеткілікті», — деді Әсемгүл Балташева Үкімет отырысында.

Сондай-ақ, мемлекеттік корпорацияда «Қалтадағы ХҚКО – смартфон»арқылы сұранысқа ие қызметтердің ТОП-5-ін жасады. Олар соттылығының, жылжымайтын мүліктің, салық берешегінің болуы/болмауы туралы автоматтандырылған анықтамалар, сондай-ақ әкімшілік айыппұлдарды тексеру және зейнетақы аударымдары туралы ақпарат беру жөніндегі сервистер болды.