ШҚО оңтүстіктен көшіп келген отбасыларға субцидия береді

10
көшіп
Фото: ia-centr.ru

Алматы. 16 мамыр. 7kun.kz – Шымкент және Түркістан облысының тұрғындарын Шығыс Қазақстан облысының Алтай ауданына жұмыс істеуге шақырады.

ШҚО Алтай ауданының жұмыспен қамту және әлеуметтік бағдарламалар бөлімінің басшысы Татьяна Шидыч ауданда дәрігерлердің, мұғалімдердің, аспазшылардың, шаштараздардың, дәнекерлеушілердің, агрономдардың, мал өсірушілердің және т.б. тапшылығы туралы айтты. Шығыс Қазақстанға қоныс аудару туралы шешім қабылдаған отбасыларға субсидия төленеді.

«Олар отбасы мүшелерінің санына қарай көшуге және пәтер алуға арналған жәрдемақы алады — көшуге субсидия — отбасының әрбір мүшесіне 35 АЕК, ал бұл 88 375 теңге. Сонымен қатар, жалға алу жөніндегі шығыстары өтеледі. Адамдардың қалауына байланысты не ай сайын немесе бірден 12 айға жалпы соманы төлейміз. Қалада бұл 1 адамға 20 АЕК немесе 50 мың теңгені құрайды. Егер 2-4 адамнан тұратын отбасы көшсе — 25 АЕК немесе бір адамға 63 мың 125 теңге. 5 және одан да көп адамнан тұратын отбасына-30 АЕК немесе бір адамға 75 750 теңге. Ауылда тұрғын үйді жалға беру шығындарын өтеу біршама аз: 1 адамға 15 АЕК немесе 37 875 теңге, бірақ бізде бұл ақшаға үй жалдап және өзінде қалдыру мүмкіндігі бар. 2-ден 4 адамға дейін — 18 АЕК немесе 45 450 теңге, 5 – тен астам адамға 30 АЕК немесе 53 мың теңге», — деді Татьяна Шидыч.

Оның айтуынша, қоныс аударуға бірнеше мәселелер кері әсерін тигізеді: оңтүстікке тән емес аяздар мен көп қар, ұзақ қыс, сондай-ақ қалалар мен аудандарда газдың болмауы.