«Алтын сапа» және «Қазақстанның үздік тауары» байқауларына өтініш беру басталды

715

«Атамекен» ҰКП Қазақстан Республикасы Президентінің 2016 жылғы «Алтын сапа» сыйлығын алу байқауы мен «Қазақстанның үздік тауары» республикалық байқау-көрмесінің басталғаны жөнінде мәлімдейді.

Байқауға Қазақстан Республикасының аумағында тауар өндірумен (қару-жарақ және әскери техника өндірісін қоспағанда), қызмет көрсетумен айналысатын жеке кәсіпкерлер мен заңды тұлғалар қатыса алады. Тек мемлекеттің қатысу үлесі 50%-дан асатын ұйымдар, сондай-ақ, Қазақстан Республикасының оңалту және банкроттық туралы заңнамасында қарастырылған рәсімдерді жүзеге асыру туралы шешімдер қабылданған ұйымдар байқауға қатыса алмайды.

Байқауларға қатысуға тілек білдірушілер Қазақстан Республикасы Президентінің 2016 жылғы «Алтын сапа» байқауының сыйлығына және «Қазақстанның үздік тауары» республикалық байқау-көрмесіне үміткерлер материалдарын ресімдеу, ұсыну және алдын ала бағалау Ережелеріне сәйкес рәсімделген өтініштері мен материалдарын (есептерін) 2016 жылдың 1 шілдесіне дейін беруі тиіс.

Толық ақпаратпен www.altynsapa.kz сайтында танысуға болады.

Естеріңізге сала кетейік, «Алтын сапа» байқауы және «Қазақстанның үздік тауары» байқау-көрмесі 2006 жылдан бері жыл сайын өткізіліп келеді.

Фото: altynsapa.kz