Алматы. 29 қараша. 7kun.kz —Еуропарламенттің сараптама орталығының зерттеуіне сәйкес, 2017 жылы АҚШ-тың Қазақстанды тікелей қаржыландыруы 25 млрд АҚШ долларын құрады. Осыған байланысты АҚШ еліміздің екінші шетелдік инвесторына айналды. деп хабарлайды LS.

Қазақстан Орталық Азиядағы АҚШ инвестициясының ең ірі объектісі болып есептеледі. Ал, сарапшылардың пікірінше, АҚШ-тың Орталық Азияның басқа елдерімен қаржы қатынасы орта деңгейде қала береді.

«АҚШ пен Орталық Азия арасындағы сауда өте шектеулі. 2016 жылы ол небәрі 2,4 млрд долларды құраған. Бұл жалпы америкалық сыртқы сауданың тек 0,07 пайызын және Орталық Азияның 2,4 пайызын құрайды», - деді Еуропалық парламент. Онымен қоса, бұл жағдай 2014 жылы шикізат бағасының төмендеуіне себеп болғанын айта кетті.