Алаяқтар телефон арқылы Қостанай қаласының әкімін алдамақ болды

Қостанай. 29 маусым. 7kun.kz – Биыл Қостанай облысында 141 рет интернетте алаяқтық жасаған 31 күдікті анықталды. Олардың 60-ын Ресей Федерациясы мен Украина азаматтары жасаған, деп хабарлайды 7kun.kz top-news.kz-ке сілтеме жасап.

«Бұл тек бізге белгілілері ғана. Алданғандардың бәрі бірдей полицияға жүгінбейді. Қарттарды да, жастарды да алдап жатыр Мен өзім алаяқтыққа тап болдым.  Маған картамның мәліметтерін жазуымды сұрайтын қоңыраулар келді. Қазір телефон және интернет алаяқтары өте көп. Қылмыс трансұлттық сипатқа ие. Тұрғындар арасында жүйелі түрде тиісті түсіндіру жұмыстарын жүргізіп, азаматтарды қырағы болуға шақырамыз», – деді Марат Жүндібаев.

Жергілікті полиция департаментінің мәліметінше, жыл басынан бері киберқылмыс өткен жылдың сәйкес кезеңімен салыстырғанда 29%-ға – 735-тен 522 фактіге дейін азайған.

«Киберқылмыспен күрес бөлімі алаяқтық схемалар анықталатын әлеуметтік желілер мен мессенджерлерге күнделікті мониторинг жүргізуде. Мониторинг нәтижелері бойынша жыл басынан бері 170 күмәнді сайт анықталды. Оларды бұғаттау үшін тиісті ведомстволарға сұраныс жіберілді», – деді Қостанай УПБ ЖПҚ бастығы полиция подполковнигі Талғат Жүсіпов.

Ұсталған қылмыскерлердің біріне үш жылға бас бостандығын шектеу, екіншісіне 2 жылға қамауға алу тағайындалды.

Айта кетейік, алаяқтықтың ең көп тараған түрі – әлеуметтік желілер арқылы тауарды жарнамалау және сату. Әдетте, шабуылдаушылар аванстық төлемді аударуды немесе банк шотына толық төлем жасау керектігін айтып, карта мәліметтерін сұрайды.