Қазақстанда шариғатқа сәйкес төлем карталары шығады

шариғат
Фото: azan.kz

Алматы. 11 қазан. 7kun.kz — Қазақстанда «Аль Сакр — Финанс» АҚ  шариғат заңдарына сәйкес төлем карталарын шығарады.

Қазақстанда корпоративтік секторға қызмет көрсететін бірнеше исламдық қаржы ұйымдары бар. Солардың бірі «Аль Сакр — Финанс» компаниясы. Исламдық компания Қазақстан қаржы нарығында 17 жылдан бері қызмет көрсетіп келеді. Олар жаңа жобаны «Банк-Астана» банкімен бірлесіп жасаған. Картаның артықшылықтары:

— қаражаттың қалдығына сыйақы есептелмейді;

— клиент қаржысын банк эмитенті пайдаланбайды;

— шариғатта тыйым салынған мекемелерде төлем жасау мүмкіндігі жоқ;

— on-line тапсырыс беру;

— ақысыз жеткізу қызметі;

— мультивалюталық;

— ақша салу мен шығару үшін комиссия жоқ;

— 1000-нан астам серіктестерден жеңілдік;

— мобильді қосымшасы бар.

Мейірім Бақытжанова