Болат Жәмішев ҚДБ төрағасы қызметінен кетеді

Болат Жәмішев
Фото: kursiv.kz

Нұр-Сұлтан. 11 сәуір. 7kun.kz – Болат Жәмішев Қазақстан даму банкінің басқарма төрағасы қызметінен кетеді. Бұл туралы бүгін өткен баспасөз мәслихатында белгілі болды.  

«Бұл төраға ретіндегі соңғы баспасөз мәслихатым», деген Жәмішев журналистерге түсіндіріп өткендей, өтінішті өз қалауы бойынша жазған.

«Мен бес жыл бойы осы банктің басқарма төрағасы болдым. Осы айда өз қалауым бойынша банктен кетуге шешім қабылдадым. Сонымен қатар, мен Цеснабанктің тәуелсіз директорымын, әзірге бұл менің негізгі жұмысым болмақ», — деді ол.

ҚДБ баспасөз қызметінің хабаралуынша Жәмішев 26 сәуір күні қызметтен босату туралы арыз жазған.