Бүгіннен бастап импорттық бензинге акциз екі есеге өседі

11
бензин

Алматы. 11 желтоқсан. 7kun.kz – Қазақстан Үкіметі бензинге (авиациялықты қоспағанда) және дизель отынына акциз ставкаларын бекіту туралы қаулыға түзетулер енгізді.

Құжатқа сәйкес, импорттық бензиннің тоннасына акциздің жаңа ставкасы 10 500 теңге  ($28,26) болады. Қазіргі уақытта ол 4500 теңгені ($12,11) құрайды.

Қаулы 11 желтоқсанда қолданысқа енгізіледі.

Сонымен қатар, импорттық дизель отынына акциз ставкасы өзгеріссіз қалды — 450 теңге ($1,21). Жергілікті өндірушілер қараша айынан мамыр айына дейін бензинді көтерме саудада өткізген кезде акциз ставкасы да 10 500 теңгені ($28,26) құрайды. Ал, бөлшек сауда кезінде мөлшерлеме 11 мың теңгені ($29,6) құрайды.

KAZENERGY қауымдастығының директоры Әсет Мағауов бұған дейін отандық және импорттық бензинге акциз ставкаларын қайта қарауды немесе теңестіруді ұсынған.

«Менің ойымша, Үкімет шешім қабылдауы керек (…) Дегенмен біз отандық зауыттар жаңғыртуды аяқтауды ескере отырып, импорттық жеткізілімдермен тең жағдайда болғанын қалар едік»,-деді қауымдастық басшысы.

Қазақстанда 18,2 млн адамнан астам халқы бар үш МӨЗ жұмыс істейді — Атырау, Павлодар және Шымкент. Шымкент МӨЗ 1985 жылы салынған, «ҚазМұнайГаз» және CNPC зауыт акцияларының 50% — ын иеленеді. Ал, Атырау және Павлодар зауыттары 1945 және 1978 жылдары салынған. Оларды «ҚазМұнайГаз»бақылайды.