Астана. 18 сәуір. 7kun.kz - Көлік кешеніндегі нақты көлем индексі 103,4% құрады. Бұл туралы Үкімет отырысында жасаған баяндамасында ҚР Инвестициялар және даму министрі Жеңіс Қасымбек мәлімдеді.

«Жүк тасымалының көлемі 1,1% өсті және 813 млн. тоннаны құрады. Жүк айналымы 5,4% ұлғайды және 125 млрд. тонна км құрады. Өсімнің басым көпшілігі темір жол көлігімен тасымалданғаны байқалып отыр. Жүк тасымалы 15,7% өсті және 87 млн. тоннаны құрады. Ал, жүк айналымы 12,6% өсті және 60 млрд. тонна км құрады», - деп атап өтті Жеңіс Қасымбек.

Құрылыс бойынша нақты көлем индексі 107,1% құрды. Министрдің айтуынша, Тұрғын үй құрылысына барлық қаржыландыру көздерінен 173,4 млрд. теңге бөлінді, өсім 13,8%. Жалпы ауданы 3,1 млн.м2 тұрғын үй пайдалануға берілді. Бұл 2016 жылдың сәйкес кезеңімен салыстырғанда 125,3% құрап отыр.