Алматы. 21 қараша. 7kun.kz — 21 қарашаға арналған мұнай және металл бағамдарының бағасы анықталды.

Мұнай: шикізат бағасы АҚШ-тағы энергия көздерінің қорлары туралы апта сайынғы баяндаманы жариялағаннан кейін өсімді күшейтті, ол мұнай қорының ұлғаюын күтілгеннен кем деңгейде көрсеткен. Көрсеткіш 1,38 млн баррельге өсті. Америкалық мұнай институты (API) жақын арада айтарлықтай ірі өсімнің байқалғаны туралы хабарлады - 5,95 млн баррельге ейін, деп жазды investing.com. 23:39-дағы жағдай бойынша Brent маркалы солтүстік теңіз мұнай қоспасына қаңтар фьючерстерінің құны 3%-ға, барреліне 62,74 долларға дейін өсті. Ал WTI фьючерстерінің бағасы 3,60%-ға, барреліне 57,34 долларға дейін көтерілді.

Металдар: қымбат металдар құны АҚШ Федералдық резервтік жүйесінің (ФРЖ) қазан отырысының хаттамасын жариялау қарсаңында төмендейді. Трейдерлер қазан айында ставканың үшінші рет қатарынан төмендеуінен кейін ФРЖ-нің одан әрі саясаты бойынша кеңестер алуға үміттенеді, деп жазады 1prime.ru.
23:38-дгі жағдай бойынша Нью-Йорктегі COMEX биржасында алтынға желтоқсан фьючерсінің бағасы 0,48%-ға төмендеп, бір троялық унциясы 1 467,15 долларға сатылды. Күміске желтоқсан фьючерстерінің құны 0,50%-ға, бір унция үшін 17 долларға дейін арзандады.

Криптовалюталар: coinmarketcap.com порталының мәліметтері бойынша, 23:37-де bitcoin 8 062,33 доллар саудаланды. Соңғы 24 сағатта бірінші криптовалюта 1,52%-ға арзандады, ал оның капитализациясы 145,5 млрд долларды құрады. Осы уақытта Ethereum 177,06 доллар тұрды, ол 0,42%-ға өсті. Бұл криптовалютаны капиталдандыру 19,2 млрд долларды құрады. Нарықтың жаһандық капитализациясы - 221,6 млрд доллар.