Еуразиялық Экономикалық Одақ елдері арасындағы сауда көлемі бір жылда 25,8%-ға төмендеді. Ал одақтың жалпы сыртқы саудасындағы өзара көлемі 12,3%-дан 13,5%-ға артты. Бұл туралы Еуразиялық экономикалық комиссия хабарлады.

2015 жылы ЕАЭО елдері арасындағы өзара сауда көлемі 45,4 млрд долларды құрады. Бұл көрсеткіш 2014 жылмен салыстырғанда 25,8%-ға аз.

2014 жылдың қаңтар-ақпан айларындағы ЕАЭО-тың жалпы сыртқы саудасындағы өзара сауда көлемі 12,3%-дан 13,5%-ға артты. Армениядағы бұл көрсеткіш 24,3%-дан 26,3%-ға, Ресейде  12,3%-ден 13,5%-ға, Қазақстанда 18,3%-дан 20,8%-ға, Қырғызстанда 43,1%-дан 44,3% өссе, Беларусь елінде 50,2%-дан 49,5%-ға төмендеген.