Астана. 20 сәуір. 7kun.kz - Мәжіліс депутаттары «Кейбір заңнамалық актілерге коллекторлық қызмет мәселелері бойынша өзгерістер мен толықтырулар енгізу туралы» заң жобасын мақұлдады. Бұған дейін заң жобасы бірнеше рет қаралған еді.

Сәуір айының басында сенат заңға бірнеше өзгеріс енгізіп, мәжіліске қайта ұсынған болатын.  Енгізілген өзгерістер аясында борышкердің келісімі бейне-бақылау камерасына түсіріліп, аудио таспасы сақталады. Қарыз иелеріне аптасына 3 реттен артық телефон шалмау міндеттелді.

Айта кетейік, «Коллекторлық қызмет туралы»  заң жобасы борышкердің берешегін сотқа дейін өндіріп алуға және реттеуге бағытталған.