Алматы. 6 маусым. 7kun.kz - «Нұрлы жол» инфрақұрылымдық бағдарламасын жүзеге асыру мен оның Қытайдың «Жаңа Жібек жолы» стратегиясымен түйіндесу потенциалы туралы сауал жалпыұлттық талқыға салынды.

Кеше, маусымның 5-інде, 2017 жылдың 5 маусымында «Қазақстан 2050» жалпыұлттық қозғалысы және «Орталық коммуникациялар қызметі» РММ бірігіп өткізген жиында осы тақырып сөз болды.

Сонымен бірге, республиканың транзиттік-көлік әлеуетінің дамуы мен оның халықаралық көлік жүйесімен бірігуі; Қазақстан өңірлерінде бәсекеге қабілетті индустриалды инфрақұрылымды құру; кәсіпкерлікті қолдау және оның өсіп келе жатқан бәсекелестік шарттарына бейімделуі; қазақстандық экспортты дамыту және қолдау секілді мәселелер аясында пікір алмасулар болды.

Ал ҚР Парламент Мәжілісінің Депутаты, ҚР Парламент Мәжілісінің Экономикалық реформа және өңірлік даму комитетінің мүшесі Бахтияр Мәкен көліктік-логистикалық инфрақұрылымының даму жоспарымен бөлісті.

«Көліктік-логистикалық инфрақұрылымды дамыту шеңберінде ұзындығы 7 мың км асатын 12 автожол жобасы, ұзындығы 124,8 км құрайтын 2 темір жол жобасы, сондай-ақ «Құрық» портындағы паром өткелінің құрылысын жүзеге асыру көзделген», - деп хабарлады Бахтияр Мәкен.

Талқылау «Қазақстан 2050» жалпыұлттық қозғалысының «Жалпыұлттық талқылау» жобасын жүзеге асыру аясында өтті.