Алматы. 4 шілде. 7kun.kz - 2017 жылдың қаңтар- мамырында өндірісті дамытуға салынған инвестиция көлемі 2016 жылға қарағанда 6 пайыз аз. Бұл туралы finprom.kz хабарлады.

2017 жылдың алғашқы бес айында телекоммуникацияға салынған инвестицияның жалпы көлемі 18,3 миллиард теңгені құрады. Бұл өткен жылғы көрсеткіштен 6,4 пайызға аз. Сондай-ақ, 2016 жылы ақпарат пен байланысты күшейту үшін құйылған қаржы 63,1 миллиард теңге болды. Ол 2015 жылмен салыстырғанда 39,3 пайызға кем. Телекоммуникацияның жеке инвестициясы бір жылда 755 миллион теңгеге (4,1%.) қысқарған. Ал қарыз сомасы –2017 жылдың бес айында 482 миллион теңгеге дейін артты. Дегенмен, сараптама агенттігінің мәліметінше, инвестицияның аздығына қарамастан телекомуникация саласы белсенділік танытып отыр.