Алматы. 4 қаңтар. 7kun.kz – Қазақстандық теннисші Зарина Дияс Қытайдың Шэньчжен қаласында өтіп жатқан WTA санатындағы халықаралық турнирдің жартылай финалына шыға алмады, деп хабарлайды Today.kz.

Отандасымыз ширек финалда ресейлік теннисші Мария Шараповаға жол берді. Бірінші сетте Зарина 6:3 есебімен есе жіберіп шықты. Екінші сет басында теннисшілер бір-бір брейк алмасты. Кейінгі геймдерде қазақстандық теннисші аздап басымдыққа ие болғанмен, 3:3 есебінен кейін Марияның мысы басты. Нәтижесінде екінші сетте 6:3 есебімен ресейлік теннисшінің еншісінде кетті.

Зарина Дияс Мария Шараповамен спорттық мансабында үшінші рет кортта кездесті. Осыған дейін 2015 жылы өткен екі ойында да ресейлік теннисші жеңіп кеткен еді.

Қазіргі таңда Зарина Дияс WTA рейтингінде 66-орында келеді. Ал Мария Шарапова болса 59-орында тұр.