Талдықорған. 8 маусым. 7kun.kz - Алматы облысының кәсіпорындарына 25 мыңнан аса маман қажет. Бұл жөнінде Өңірлік коммуникациялар қызметінде өткен брифингте облыстық кәсіпкерлер палатасының адами капиталды дамыту бөлімінің басшысы Алмагүл Оңғарбаева айтты.

Алматы облысының кәсіпкерлер палатасы 2013 жылдан бері облыстық білім беру басқармасымен бірге «Дуальді оқыту» жол картасын іске асырып келеді. Картаға 12 мамандық пен экономиканың 4 саласы бойынша білім беретін 18 колледж енген. Сондай-ақ, 12 мамандық бойынша 630 студенттің біліктілігін шыңдап келе жатқан 90 әлеуметтік әріптес бар. Олармен 92 келісімшарт жасалған.

Кадр жетіспеушілігі жөнінде жүргізілген мониторинг нәтижесі бойынша облыс кәсіпорындарына 25 мыңнан астам маман қажет екендігі анықталған. Қазіргі таңда осы бағытта жүйелі жұмыстар қолға алынған.