Алматы. 6 мамыр. 7kun.kz - 2016 жылдың 14 мамырында Алматы қаласының "Астана" алаңында Алматы облыстық тауар өндірушілердің ауыл шаруашылық жәрмеңкесі өтеді. Бұл туралы қала әкімдігінің баспасөз қызметі хабарлады.

Қала тұрғындары аталған жәрмеңкеде 50 түрлі  азық-түлік өнімдерін сатып ала алады. Сондай-ақ, мегаполис тұрғындарына жалпы құны 110 млн теңгені құрайтын ет, сүт және көкөніс өнімдері және т.б. тауар түрлері ұсынылады.

16 аудан мен Талдықорған, Қапшағай, Текелі қаласы және "Жетісу" әлеуметтік-кәсіпкерлік корпорациясының аграрилері мен фермерлері қалаға 170 тоннаға жуық экологиялық таза өнімдер алып келеді.

Жәрмеңкені өткізу барысында Төле би көшесі мен Абылай хан даңғылының бойынан Фурманов көшесіне дейін, Панфилов көшесі мен Бөгенбай батыр көшесінің бойынан Қазыбек би көшесіне дейін автокөлік қозғалысы болмайды.