Алматы. 8 қараша. 7kun.kz – Алматыда екі автобус соқтығысып, бір адам көз жұмды. Тағы 15 адам жараланды, деп хабарлайды 7kun.kz.

Алматы қалалық полиция департаментінің хабарлауынша, 98 және 201-ші бағыттағы жолаушылар автобусы соқтығысқан. Жол апаты Төле би көшесі мен Абылай хан даңғылының қиылысында болған.

Аталған дерек ҚР ҚК-нің 345-бабы 3-бөлігі бойынша сотқа дейінгі тергеудің бірыңғай тізіліміне тіркелді.

Әлеуметтік желіде тараған видеодан екі автобустың саябақ аймағына кіріп кеткенін көруге болады. Куәгерлердің айтуынша, 201-ші бағыттағы қоғамдық көлік екінші автобустың бүйірінен соғып, инерциямен жолдың жиегінде тұрған адамдарды басып өткен. Құтқарушылар автобустың астынан бір адамның денесін алып шықты.