Алматы. 7 қыркүйек. 7kun.kz – Алматыда ағаштарды өртеген ер адам ұсталды, деп хабарлайды 7kun.kz.

«Бейнекамералар мен куәгерлік айғақтардың көмегімен Бостандық ауданында өрт шығарған күдікті анықталды. Ол – 1968 жылы туған, от жаққанын мойындады», – делінген хабарламада.

Ер адам мас күйде болғанын және консервілерді жылытқысы келгенін айтты. Бірақ өрт бұталарға жеткен. Сол кезде ер адам қорқып, оқиға орнынан қашып кеткен. Оқиғаның мән-жайы анықталуда.

Сондай-ақ полиция хабарлауынша, Еңбекшіарал кентінің маңында құрғақ шөпке өрт қойған 39 жастағы жергілікті тұрғын ұсталды. Ол жауап алу кезінде өз әрекетін түсіндіре алмай, мас болғанын айтты.