Алматы қаласында 13-23 маусым аралығында Рысқұлов пен Саин көшелерінің қиылысында жерасты газ құбыры жөндеуден өтеді. Бұл туралы kapital.kz басылымы жазды.

Алматы қаласында 13-23 маусым аралығында Рысқұлов пен Саин көшелерінің қиылысында жерасты газ құбыры жөндеуден өтеді. Осыған байланысты Рысқұлов – Ақсай – Шамалған – Ахрименко көшелерінің арасында 10 күнге газ болмайды. Сонымен қатар, Айгерім-1, Айгерім-2, Құрылысшы-2, Көкқайнар, Трудовик, батыс Трудовик, шығыс Трудовик, Радуга (Саялы), Саялы (Көкқайнар), Шаңырақ-1, Шаңырақ-2, Ақбұлақ аудандарында да газ өшіріледі. Жеке сектордан – 8728, ұжымдық сектордан – 73, шағын коммуналдық шаруашылықтар мен өнеркісіп кәсіпорындарынан – 25 мекеме газдан ажыратылады. Бұл жайлы «ҚазТрансГаз Аймақ» АҚ өндірісінің Алматы филиалының баспасөз қызметі хабарлады.