Әлем. 6 мамыр. 7kun.kz – Apple, Google және Microsoft 2023 жылы мобильді, жұмыс үстелі және браузер платформаларында құпия сөзсіз бірыңғай авторизация стандартын енгізетінін жариялады. Құпия сөзсіз аутентификация Android және iOS, Chrome, Edge және Safari, сондай-ақ Windows және macOS сияқты барлық негізгі платформаларда қолжетімді болады, деп хабарлайды 7kun.kz.

Google хабарлауынша, қосымшалардағы, веб-сайттардағы және басқа да сандық қызметтердегі аутентификация негізінен смартфон арқылы жасалады. Кіру үшін биометрия немесе PIN-код қолданылады. Қауіпсіздікді смартфон мен сайт арасында берілетін бірегей passkey криптотокені қамтамасыз етеді.

Пайдаланушыға кіру деректерін есте сақтаудың немесе бірнеше жерде бірдей парольді қайта пайдаланып қауіпсіздікке қауіп төндірудің қажеті жоқ. Құпия сөзсіз жүйе хакерлерге деректерді қашықтан бұзуды әлдеқайда қиындатады. Өйткені жүйеге кіру үшін физикалық іс-әрекет қажет.

Құпия сөзсіз аутентификация Apple құрылғысындағы құпия сөзді пайдаланып Microsoft Windows жүйесінде жұмыс істейтін Google Chrome жүйесіне кіруге мүмкіндік береді, деді Microsoft өкілі. Бұл жағдайда шифрлау кілттері асимметриялы болады.

Кросс-платформаның функционалдығы Fido стандартының арқасында мүмкін болды. Ол парольсіз аутентификацияны және көп факторлы аутентификацияны қамтамасыз ету үшін ашық кілт криптожүйесін қолданады.