ҚР Ұлттық банкі 2022 жылғы ақпандағы инфляциялық болжам бойынша сауалнама нәтижелерімен бөлісті, деп хабарлайды 7kun.kz.

2022 жылғы ақпанда инфляция 6,2% құрады, ал жалпы инфляция – 8,7% құрады. Ақпанда келесі 12 айда бағаның ағымдағы өсу қарқынының жеделдеуін немесе сақталуын күтетін респонденттердің үлесі 41%-ды құрады. Бұл 2021 жылы алынған нәтижелермен салыстырғанда біршама аз көрсеткіш.

"Респонденттердің 52%-ы өткен айда бағаның өзгеріссіз немесе бірқалыпты өсуін атап өтті. Өткен айда бағаның өсуін атап өткен респонденттердің көпшілігі азық-түлік өнімдерін таңдайды, олардың үлесі 87% құрады. Респонденттердің басым бөлігі азық-түлік құрамында жемістер мен көкөністер, нан-тоқаш өнімдері, жарма, ет, сүт, өсімдік майы бағасының тез өскенін атап өтті", – деді Ұлттық банкте.

2022 жылы ақпанда ақшалай жинақтары бар халықтың үлесі 17%-ды құрады.

"Респонденттердің көпшілігі қазіргі уақыт ақша жинау үшін қолайсыз деп санайды (38%). Жинақтары бар респонденттердің басым бөлігі жинақтардың соңғы жылда өзгермегенін және өсуін (тиісінше 42% және 32%) атап өтті. Сұралғандардың негізгі бөлігі өткен 12 айда жеке материалдық жағдайын өзгеріссіз болғанын жеткізді (респонденттердің 54%), респонденттердің 34% оның нашарлағанын атап өтті", – деп жазылған сауалнама нәтижесінде.  

Респонденттердің басым бөлігі бір жылдан кейін жеке қаржылық жағдайы жақсарады деп есептейді (респонденттердің 39%).