Ақтөбе. 12 қыркүйек. 7kun.kz – Қала тұрғыны 6 млн теңгеден астам қаражатын алаяққа беріп қойған, деп хабарлайды 7kun.kz.

Белгісіз біреу 55 жастағы әйелдің ұялы телефонына қоңырау шалып, өзін қаржы ұйымының қызметкері ретінде таныстырып, инвестициядан ақша табуды ұсынған. Жәбірленуші әйел телефондағы қосымша арқылы қаскүнемдер көрсеткен шотқа 6,7 млн теңге ақша салған. Аталған факті бойынша ҚР ҚК-нің 190-бабы 3-бөлігі (Алаяқтық) бойынша сотқа дейінгі тергеу басталды және күдіктілерді анықтау мен ұстауға бағытталған жедел іс-шаралар жүргізілуде.

Полиция департаменті сақ болуға, алдаулар мен азғыруларға бой алдырмауға шақырады.