Алматы. 10 шілде. 7kun.kz –    Қазақстанның Қаржы министрлігі бюджеттік заңнаманы бұзғаны үшін үш министрліктің бюджеттік бағдарламаларға шығындарын 16 млрд теңгеге қысқартты, деп мәлімдеді қаржы министрі Бақыт Сұлтанов. 

"Біз бюджеттік бағдарламалардың жағымсыз міндеттемелеріне талдау жүргіздік. Талдау нәтижесінде қолданыстағы бюджеттік заңнама нормаларына сай байқаулар жүргізілмеген мекемелерде бюджеттік бағдарламалардың жылдық сомасын 10% -ға дейін қысқарту механизмін қолдануды ұсынып отырмыз. Жалпы сомасы 16 млрд теңге қысқартылмақ", - деді Бақыт Сұлтанов. 

"Мысалы, қаржы министрлігі бойынша - 12,3 млрд теңге, ауыр шаруашылығы - 1,9 млрд теңге, мәдениет және спорт  - 116,9 млн теңге қысқартылады, аталған министрліктерде бюджетті көктемгі нақтылау кезінде белгіленген шығындар бойынша әлі күнге байқаулар өткізілмеген", - деп атап өтті министр.

Сондай-ақ Б.Сұлтановтың айтуынша, 2018 жылдың күзінде республикалық бюджетті нақтылау кезінде игерілмей қалу қаупі бар 46 млрд теңге қайта бөлінетін болады.