Атырау. 15 тамыз. 7kun.kz – 2022 жылдың наурызында Атырауда атыс болып, оның барысында үш адам қаза тапты. Тағы біреуінің басына оқ тиіп, жарақатпен ауруханаға түскен, деп хабарлайды 7kun.kz.

«Атырау қаласының No2 сотында ювеналды полиция бөлімінің кәмелетке толмағандар істері жөніндегі учаскелік полиция инспекторы К.Р.-ға ауыр зардаптарға әкеп соққан қызметтегі әрекетсіздік бойынша айыптау қатысты қылмыстық іс қаралды», – деп хабарлады Атырау қаласының No2 сотының баспасөз қызметі.

Сот анықтағандай, азамат Н.-ның бұрынғы жұбайы – Қ-ның балаларын ұрып-соққаны үшін полицияға арызданған. Кейіннен осы арыз бойынша азамат Н. мен оның кәмелетке толмаған баласы, бұрынғы әйелінің кәмелеттік жұбайы - Қ. полиция бөлімшесіне шақырылды. Сол жерде азамат Н. мен оның кәмелетке толмаған ұлы азамат Қ. үйінде патрондары бар тапанша ұстағаның айтады.

Алайда учаскелік полиция инспекторы Қ.Р. қаруды сақтау фактісі туралы хабарламаға немқұрайлылық танытып, ешқандай әрекет жасамай, «жұмысын жеңілдету мақсатында қызметтік әрекетсіздік» көрсеткен.

«Нәтижесінде Қ. сол күні сағат 22:30 шамасында «Авангард-3 Атырау» шағын ауданында өзінің заңсыз сақталған тапаншасымен бірнеше рет азаматтарға оқ жаудырған. К., З. және И. алған жарақаттарынан оқиға орнында қайтыс болды, ал Н. ауыр дене жарақаттарымен Атырау облыстық ауруханасының жансақтау бөліміне жеткізілді (осы факті бойынша қылмыстық іс қозғалды. Қазір сотқа дейінгі тергеу жүріп жатыр)», – делінген хабарламада.

Сотталушы К.Р.-ның кінәсі жәбірленушілердің, куәлардың айғақтарымен, бейнежазбалармен дәлелденген.

Сот оның қамқорлығында жас балалардың болуын Қ.Р.-ның қылмыстық жауаптылығы мен жазасын жеңілдететін мән-жайлар деп таныды.

«Сот үкімімен сотталушы К.Р. құқық қорғау органдарындағы қызметпен айналысу құқығынан өмір бойына бас бостандығынан айырумен үш жыл мерзімге бас бостандығынан айыруға сотталды», – делінген хабарламда.

Сондай-ақ сотталушы полиция капитаны шенінен айырылды. Соттың үкімі заңды күшіне енген жоқ.

Айта кетейік, 16 наурызда Атырауда атыс болып, үш адам қаза тапқан болатын. Күдікті қамауға алынды.