Алматы. 29 наурыз. 7kun.kz - 2017 жылы Қазақстан экономикасының әртүрлі салаларында 8,6 млн адам жұмыспен қамтылды. Бұл 15 және одан жоғары жастағы халықтың 66,3 пайызын құрайды. Жұмыспен қамтылғандардың жартысынан көбі 51,9 пайыз (4,5 млн адам) – ерлер, 48,1 пайыз (4,1 млн адам) – әйелдер.

2017 жылы жалдамалы қызметкерлердің саны 6,5 млн адамды немесе жалпы жұмыспен қамтылған халықтың санынан 75,5 пайызды құрады. Жұмыспен қамтылғандардың арасында өзін-өзі жұмыспен қамтыған қызметкерлер 2,1 млн-ға жетті.

Жұмыссыздық деңгейі 4,9 пайыз деңгейінде қалды. Жұмыссыздар ішіндегі ерлердің үлесі 46,4 пайыз, әйелдердің үлесі – 53,6 пайыз.

15-28 жастағы жастар жұмыссыздығының деңгейі 3,9 пайызды құрады.