Алматы. 16 ақпан. 7kun.kz – Алматы, Астана және Атырау дәрігердің қабылдауында болу ең қымбатқа түсетін қалалар ретінде тіркелді. Бұл туралы  Energyprom агенттігі хабарлады.

2016 жылдың үшінші тоқсанында денсаулық сақтау мен әлеуметтік қызмет-көрсету ұйымдары қазақстандықтарға құны 259 млрд теңгені құрайтын қызмет көрсеткен. Бұл өткен жылмен салыстырғанда 18,8 пайызға көп.  

Денсаулық сақтау саласындағы ақылы қызметтерден түскен табыстың көбі (55,5%) ауруханалар есебінен келген - 136,1 млрд теңге. Оның 26,6% хирургия бөлімшелерінен түссе (36,2 млрд теңге), тағы 10,6%-ы  — ауруханалар мен перзентханалардағы гинекологиялық бөлімшелерден (14,5 млрд теңге) алынған.