Алматы. 14 қыркүйек. 7kun.kz – Азия даму банкінің Қазақстандағы өкілдігінің директоры қызметіне Джованни Капаннелли тағайындалды, деп хабарлайды АДБ-ның баспасөз қызметі.

Д.Капаннелли Джинлин Янганың орнына келді. Джинлин Янга осы жылдың 27 наурызында жүрек талмасынан қайтыс болған болатын.

Д.Капаннелли аталған қызметке тағайындалғанға дейін АДБ-ның Орталық және Батыс Азиядағы департаментінде бас экономист болып қызмет атқарды.

"Мен Қазақстан үкіметі мен Азия даму банкі арасындағы серіктестік қатынас одан әрі беки түсетініне сенімдімін. АДБ Қазақстандағы қызметін жан-жақты дамытуды көздейді", - деді Д.Капаннелли.

АДБ 1966 жылы құрылған. Негізгі базасы Филиппиннің Манила қаласында орналасқан. Банк 67 мемлекетке қызмет көрсетеді.