Алматы. 28 қараша. 7kun.kz — "Азық-түлік келісім шарт корпорациясы" астықтың резервтік қорын қалыптастыруды аяқтады. Елдің арнайы қоймаларына 2019 жылғы егіннен 350 мың тонна азық-түлік бидайы келіп түсті, деп хабарлады Ауыл шаруашылығы министрлігінің баспасөз қызметі.

"Осы жылдың 28 қазанында "Азық-түлік келісім шарт корпорациясы" ҰК резервтік қорда астықты сатып алуды жеделдету үшін сатып алу бағаларын тағы өзгертті. Ескі және жаңа көрсеткіштер арасындағы айырмашылық өнімнің сапалық көрсеткіштеріне байланысты тоннасына 18 мың теңгені құрады. Астық жинау кезінде қолайсыз ауа-райына тап болған қазақстандық шаруалар жоғары бағаны қамтамасыз етті, астықты жақсы бағамен сатуға кепілдік берді. Бұл, өз кезегінде, оларды рентабельділіктің жоспарлы деңгейіне жақындатты", - деп түсіндірді ведомствода.

Жалпы, Азық-түлік келісім шарт корпорациясы 2019 жылғы егіннің 3 және 4 сортты 350 мың тоннаға жуық бидай сатып алды.

Қалыптасқан резерв қажет болған жағдайда тұрақтандыру функцияларын жүргізуге және 2020 жылы ішкі нарықта ұн мен нан-тоқаш өнімдерінің қолжетімді бағасын қолдауға мүмкіндік береді.