Baiterek Venture Fund "Аллюр компаниялар тобының" 15,34% акциясын сатып алды деп хабарлады Қазақстан даму банкі (ҚДБ) төрағасының орынбасары Қанат Досмұхамедов.

"Қазақстан даму банкімен бірге "Аллюр компаниялар тобының" капиталына ену мәмілесіне "Baiterek Venture Fund" та қатысып отыр, олар 15,34% үлесімен "Аллюр компаниялар тобы" АҚ акционері атанды", - деп мәлімдеді Қ.Досмұхамедов. Бұған дейін хабарланғандай, ҚДБ 7,7 млн долларға "Аллюр компаниялар тобы" акцияларының 11%-ын сатып алған болатын. "Baiterek Venture Fund" АҚ 2014 жылдың 23 мамыр күні "Қазына Капитал Менеджмент" АҚ директорлар кеңесінің шешімімен құрылған. Қор бизнес жоспар мен техникалық-экономикалық негіздеу әзірленіп жатқан кезеңде жобаларды іздеумен және қаржыладырумен айналысады.