Астана. 19 қазан. 7kun.kz – Қазіргі таңда Ұлттық қауіпсіздік комитетінің экс-төрағасы Кәрім Мәсімов қылмыстық істің материалдарымен танысып жатыр. Бұл туралы Бас прокурордың орынбасары Әсет Шындалиев айтты, деп хабарлайды 7kun.kz.

«Биыл тамызда ҰҚК Кәрім Мәсімовке қатысты қылмыстық істі тергеуді аяқтағанын хабарлады. Қазір айыпталушылар іс материалдармен танысып жатыр. Ол белгілі бір уақыт алуы мүмкін. Бұл айыпталушылар мен олардың адвокаттарының белсенділігіне байланысты. Іспен танысуға қатысты уақыт шектеуі жоқ», - деді Шындалиев.

Еске салайық, 25 тамызда ҰҚК Кәрім Мәсімов пен оның орынбасарларына қатысты қылмыстық істі тергеуді аяқтағанын хабарлаған еді. Кәрім Мәсімовке мемлекетке опасыздық жасады деген айып тағылған.