Батыс Қазақстан облысында заңдастыру бойынша акция басталғалы бері 800 млн теңгенің мүлкі заңдастырылды. Бұл туралы Облыстық мемлекеттік кіріс жөніндегі департамент өкілдері ұйымдастырған баспасөз мәслихатында жария етілді.

"Жергілікті атқарушы органдар жанында құрылған комиссияға жалпы сомасы 1,4 млрд теңгені құрайтын 148 арыз келіп түст. 802 млн теңгенң 66 объектісі заңдастырылды. Олардың 16-сы өмір сүруге арналған, 50-і арналмаған. 18 млн теңге көлеміндегі қаражатты ақшалай заңдастыру фактісі де орын алды. Одан 1,8 млн теңге салық түсті", - деді аталған департаменттің мемлекеттік қызметтер басқармасының басшысы Ербол Найзабеков.

Сондай-ақ, билік өкілдері 2017 жылы енгізілетін табысты жаппай тіркеу шарасы кезінде қиындық тумау үшін, қазір мүлікті заңдастырып алу маңызға ие екеніне тоқталып өтті.