Алматы. 22 қаңтар. 7kun.kz — Бас прокурордың орынбасары Марат Ахметжанов 2019 жылғы 27 желтоқсанда Bek Air авиакомпаниясы ұшағының апатқа ұшырауын тергеу туралы журналистердің сұрақтарына жауап берді.

"Ұшақ апаты бойынша қылмыстық іс қозғалды. Одан әрі жан-жақты тергеу жүргізіліп, оның шеңберінде қайғылы салдарларға әкеп соқтыратын барлық жағдайларды зерделейміз. Тергеу кезінде 300 адамнан жауап алынды", – деді Марат Ахметжанов Мәжілістегі жиында.

Бұған дейін "Қазақстанның авиациялық әкімшілігінде" (ААК) Bek Air авиакомпаниясы пайдаланушысының қолданыстағы сертификатын тексеру кезінде елеулі бұзушылықтар анықталғанын хабарлады. Компания 10 күн ішінде оларды жою жоспарын ұсынуы тиіс.

"Егер бұзушылықтар 6 ай ішінде жойылмаса, пайдаланушы сертификаты мен ұшу жарамдылығы сертификаттары кері қайтарылатын болады", - деп көрсетілген авиациялық әкімшіліктің хабарламасында.

Еске сала кетейік, 2019 жылғы 27 желтоқсанда Алматы-Нұр-Сұлтан бағытындағы Bek Air әуекомпаниясының ұшағы сағат 7:05-те ұшқаннан кейін радардан жоғалып кеткені хабарланды.

Кейіннен ұшақтың әуежайдан шыққаннан кейін биіктігін жоғалтып, бетон қоршауды сындырып, екі қабатты ғимаратпен соқтығысып, тұрғын үй секторы аумағында құлағаны белгілі болды.

Ақпаратқа сәйкес, бортта 95 жолаушы және 5 экипаж мүшесі болған. Апат салдарынан 12 адам қаза тапты, оның ішінде әуе кемесінің командирі де бар, 67 адам жарақат алды, оның 49-ы ауруханаға жатқызылды.