Алматы. 15 тамыз. 7kun.kz — Қазақстан қор биржасында (KASE) KZT/CNY валюталық жұбы сауда-саттығының көлемі 34 млрд теңгеден асты.

Мәліметтерге сәйкес, аталған валютаның сауда-саттығы басталған сәттен бастап (2014 жылдың 25 қыркүйегінен бастап) осы жылдың 5 тамызына дейін 34,5 млрд теңгеге (675,7 млн юаньға) 3 214 мәміле жасалды.

KASE-де биылғы жылдың 1 қаңтарынан бастап 5 тамызына дейін 10,6 млрд теңгеге (190,9 млн юань) 438 мәміле жүзеге асырылғанын хабарлады. Мәмілелер саны бойынша бұл өткен жылдың ұқсас көрсеткішінен 48%-ға, ұлттық валютадағы көлемі бойынша - 69,3%-ға, Қытай валютасында - 55,7%-ға көп.

«Қазіргі уақытта қытай юаны биржада бүгін (T + 0), ертең (T + 1) және келесі күні (T + 2) есебімен саудаланады. Сонымен қатар, 2018 жылдың сәуірінде KASE-де CNYKZT_0_001 (есептесу мерзімі – ертең) және CNYKZT_0_002 (есептесу мерзімі - арғы күні) валюталық своп құралдары саудаға қолжетімді болды", - деді биржада.

Ақпаратқа сәйкес, Қазақстан мен Қытай арасындағы есеп айырысулардың негізгі бөлігі үшінші елдердің валюталарында, атап айтқанда долларда болады. Алайда, KASE пікірінше, қазақстандық бизнес үшін юань есептеулері қазіргі уақытта Қытай мен АҚШ арасындағы сауда қатынастарындағы шиеленістің болуына қарамастан, бағамның салыстырмалы тұрақтылығына байланысты айтарлықтай тартымды көрінеді.

"Егер KASE-дегі юань сауда-саттығының алғашқы кезеңінен бастап кезеңді қарастырсақ, онда сауда-саттыққа қатысушылар шеңберінің кеңею динамикасы айқын. Банктер клиенттерінің валютаға деген сұранысы анық өсуде. Егер 2014 жылы CNY/KZT валюталық жұбын тек алты қатысушы сатса, 2019 жылға қарай бұл көрсеткіш 15-ке жетті. Өтімділікті қамтамасыз ету мақсатында алаңда үш маркет-мейкер жұмыс істейді – екі қазақстандық Қытай банктері мен Ресей Жинақ Банкі. Олардың үлесіне осы жылы юань мәмілелерінің жалпы көлемінің 53%-ы тиесілі", - деп түсіндірді Қорда.