Алматы. 24 мамыр. 7kun.kz Астана - Шортанды тас жолының ақылы аймағымен өту тарифі алдағы уақытта көтерілмейді. Бұл жөнінде Инвестициялар және даму министрлігі мәлімдеді.

Алдағы уақытта бірқатар халықаралық дәліздерде ақылы жол жүру енгізілмек. Соның ішінде Батыс Еуропа - Батыс Қытай (Алматы - Хоргос, Қызылорда - Шымкент, Қызылорда - Ақтөбе, Ташкент - Шымкент, Тараз - Шымкент), сондай-ақ, Астана - Атбасар, Астана – Қарағанды, Астана – Павлодар, Алматы – Талдықорған, РФ шекарасында - Орал - Ақтөбе, Бейнеу – Ақтау, Жетібай – Жаңаөзен, Омск – Павлодар, Павлодар – Қалбатау, Петропавловск – Шортанды және өзге де республикалық маңыздағы автокөлік жолдарына енгізу жоспарда бар. 2015 жылы Астана - Шортанды автожолының ақылы аумағы арқылы 1,142 млрд теңге жиналған. Аталған жолмен өткен көліктердің саны 2,5 млн данадан асқан.