Алматы. 4 желтоқсан. 7kun.kz - 4 желтоқсанда Қазақстан қор биржасынның (KASE) таңғы сессиясында доллардың орташа өлшемді бағамы 371,30 теңгені құрады. 30 қарашадағы таңғы сессиямен салыстырғанда ( 369,63  теңге / $1) ұлттық валюта 1,67 теңгеге әлсіреді.

KASE ақпараты бойынша, таңғы сессияда АҚШ долларымен жүргізілетін саудада ең төменгі курс бір АҚШ доллары үшін 370,90  теңге деңгейінде болды, ең жоғары – 371,80 теңге, жабылу курсы бір долларға  370,90 теңге. Доллар бойынша сауда көлемі 46 млн 250 мың долларды құрады. Валютамен жасалған операциялар бойынша айырбастар саны —83. Астананың айырбас пункттерінде америкалық долларды сатудың ең жоғары курсы 11:15 те 372 теңге, Алматыда – 373 теңге. Ұлттық Банктің ресми курсы бойынша 1 доллар  371,56 теңге болды.