ЕАЭО алқасы электр энергиясының ортақ нарығын қалыптастыру тұжырымдамасының жобасын мақұлдады, ол Жоғарғы еуразиялық экономикалық кеңесте 1 шілдеде таныстырылады деп хабарлады журналистерге ЕЭК-тің энергетика және инфрақұрылым жөніндегі министрі Таир Мансұров.

Жобада еркін екі жақты шарттар бойынша және орталықтандырылған сауда-саттық негізіндегі электр энергиясының өзара саудасы туралы айтылады. Тұжырымдама мәтінінде айтылғандай, егер ел заңнамасы мақұлдаса, жүйе және желі операторларының функцияларын бір ұйымда біріктіру мүмкін болады.

Бұған қоса, тұжырымдамаға сәйкес жалпы энергия нарығында монополист-компаниялардың қызметтеріне қойылатын тарифтер ішкі тарифтерден асып түспеуі тиіс.

Ортақ энергия нарығын қалыптастыру бағдарламасы 2016 жылдың 1 шілдесіне дейін бекітіледі, ал 2019 жылы осы нарықты құру туралы шарт күшіне енеді.