Ереванда өтіп жатқан Еуразиялық экономикалық одақтың үкіметаралық отырысы барысында 2025 жылға қарай одаққа мүше елдер арасында мұнай мен мұнай өнімдерінің ортақ нарығын қалыптастыру концепциясы бекітілді.

Ортақ нарық құру мақсаты бірнеше кезеңмен жүзеге аспақ. 2016-2017 жылдары Одақтың ортақ нарығын қалыптастыру бағдарламасы қалыптастырылып, бекітілмек. 2018-2023 жылдары мұнай мен мұнай өнімдерін тасымалдау жүйесіне қол жеткізудің ортақ ережесі бекітіледі.

2024 жылы мүше елдер халықаралық келісімді бекітеді. Ортақ нарықта мұнай өндіру, тасымалдау, сату, биржаға шығару, ақпарат алмасу, баға саясаты ортақ болады.