Алматы. 24 тамыз. 7kun.kz – 1 қыркүйектен бастап Кеден одағының нарығына сырттан әкелінетін автокөліктер үшін баж салығының жарнасы төмендейді, деп хабарлайды Еуразия экономикалық комиссиясының сайты. 

1 қыркүйектен бастап жаңа көлікті әкелу үшін оның кедендік құнынан 17% жарна төлеу міндеттеледі. Осыдан бірнеше жыл бұрын ұқсас баж салығы 23%-ды құраған еді. 5-7 жылдан астам қолданыста болған көліктерді әкелу үшін баж салығының құны 22% болады.

2019 жылы көліктерді сырттан әкелуге салынатын баж салығының жарнасы  15%-ға дейін төмендеуі мүмкін.

Салықтың жаңа жарналары ЕАЭО аумағына түгел тарайды.

ЕАЭО Кеңесінің шешіміне сәйкес, көлік бажынан басқа өзге де тауарлардың 95-тен астам түріне салынатын тарифтердің құны төмендейтін болады.