Алматы. 2 қыркүйек. 7kun.kz – Қазақстан президенті Қасым-Жомарт Тоқаев үкіметке екі ай ішінде браконьерлермен күрес жөніндегі заңнаманы қатаңдатуды тапсырды.

"Жақында болған қайғылы оқиғалар ұйымдасқан қылмыстың қауіпті түрі ретінде браконьерлік мәселесін де ашты. Браконьерлер жарақталған, қаруланған, өзінің жазасыздығын сезінеді (…). Үкіметке екі ай ішінде тиісті заңнаманы қатаңдату жөнінде шұғыл шаралар қабылдауды тапсырамын", - деді Тоқаев жыл сайынғы Қазақстан халқына Жолдауында.

Еске сала кетейік, Президент Жолдауын бүгін сағат 11:00-де Парламент палаталарының бірлескен отырысында жариялады. Сағат 15:00-де барлық республикалық телеарналардан көрсетіледі.