Алматы облысында бірқатар өндіріс орындарын ашу көзделіп отыр. Бұл туралы облыс әкімдігінде хабарлады.

Биыл 2022 жылдың соңына дейін іске қосылуы тиіс өндірістік нысандарда 270 жұмыс орны ашылады. Ақпаратқа сәйкес, жобаларды қазақстандық компаниялар жүзеге асырмақ.

Ескелді ауданында екі жобаны іске қосу жоспарланған. Мұнда 50 млн теңгеге гипсокартон мен гипс материалдарын шығаратын шағын зауыт салынады деп күтілуде. Қуаттылығы жылына 2 млн шаршы метр гипсокартонды құрайды. Сондай-ақ, 57 млн теңгеге ұнтақтау-сұрыптау қондырғысы іске қосылады. Құрылыс материалдарын өндіру, атап айтқанда, қиыршық тас, құм, сүзгілеу, және бетон бұйымдарын шығару өндірісі жолға қойылады деп күтілуде.

Қаратал ауданында жылына 21,6 мың тонна өнім шығаратын еріткіштер шығаратын зауыт ашылмақшы. Оның құны 240 миллион теңге бағалануда. Сонымен қатар, бұл ауданда техникалық кремний өндірісін жолға қою жобасы жүзеге асырылуда. Әкімдік инвестиция көлемін жариялаған жоқ. Онда 160 жұмыс орны ашылады деп күтілуде. Кәсіпорынның қуаттылығы жылына 3,2 мың тонна өнімді құрайды. Техникалық кремнийді Нидерландыға, Польшаға, Германияға, Ұлыбританияға экспорттау жоспарланып отыр. Қазір қондырғылар орнатылып, іске қосу жұмыстары жүргізілуде.

Алакөл ауданында 2022 жылдың соңына дейін қуаттылығы айына 3 мың дана кеспе тастар мен 400 дана жиек тастар шығаратын бетон өндірісін құруға уәде берілді. Оған салынатын инвестиция көлемі 188 млн теңгені құрайды. Ал Еңбекшіқазақ ауданында биыл 332 млн теңгеге дәретхана қағазының өндірісі жолға қойылмақ. Ол жылына 730 тонна өнім дайындайды деп жоспарлануда.