Еуразиялық экономикалық одақ басшылары Қазақстанда кездесуге келісті деп хабарлайды lsm.kz Ақордаға сілтеме жасап. Мемлекет басшыларының отырысы туралы Қазақстан президенті Нұрсұлтан Назарбаев және Белоруссия президенті Александр Лукашенконың өзара телефон әңгімесі арқылы белгілі болды.

Сондай-ақ, Александр Лукашенко Ақ Орда басшысына Минскідегі  "норманд төрттігінің" келіссөздері қалай өткендігін де айтты. Қазақстан басшысы ақпараты үшін алғыс айтып, отырыстың сәтті өтуімен құттықтады. Нұрсұлтан Назарбаев  барлық тарап қолданып отырған шаралар Украина дағдарысын ретке келтіруге ықпал ететіндігіне сенім білдірді.