Алматы. 21 маусым. 7kun.kz — Google өзінің жеке планшеттерін әзірлеуді және өндіруді тоқтататынын жариялады. Бұл туралы компанияда хабарлады.

Google әлі таныстырылмаған екі планшетті әзірлеуді тоқтатты және 2018 жылы ұсынылған Pixel Slate-тің ізбасарларын шығармайды. Алайда компания Slate үшін бағдарламалық жасақтаманы жаңартуды 2024 жылдың маусымына дейін жалғастыруға уәде берді.

Google жұмыс істеген екі планшет Pixel Slate-ге қарағанда кішірек болуы және 2019 жылдан кейін ұсынылуы керек еді, деп мәлімдеді The Verge. Алайда, сәтсіз тестілеуден кейін, компания екі құрылғыдан да бас тартты.

Айта кетейік, Google Pixelbook ноутбуктерін шығаруға назар аударады. Планшетпен жұмыс істеген қызметкерлердің бір бөлігі ноутбуктер әзірлеумен айналысатын бөлімшеге көшеді, тағы бір бөлігі басқа жобаларға ауыстырылды.