Өз қаражатыңызды басқарып, үнемі тексеріп отырамын деп шешсеңіз, сізге барынша үнемшілдікке үйрену керек болады. Үнемдеуді ең алдымен, үйіңізден бастаңыз. Себебі, үйіңізде сіздің отбасылық бюджетіңізді "жұтатын" құрылғылар өте көп. Ай сайын электр қуатына кеткен ақшаны төлеген кезде қымбатқа шығып кететін болса, біздің қарапайым кеңестерімізге құлақ түріңіз.

1. Энергияны үнемдейтін лампаны пайдалану  Энергия үнемдеудің ең қарапайым жолы - күнделікті қолданып жүрген лампаны энергия үнемдегіш түріне ауыстыру. Әрине, бағасы сәл қымбаттау келеді. Десе де, ұзақ өмір сүреді. Неге олай десеңіз, аталған үнемдегіш лампа аса қызбайды, сол себепті энергия тек жарықтандыру үшін ғана кетеді. Негізінен, ол лампалар үш жылға дейін шыдайды. Өзіңіз есептеп көріңіз, бір жылда сіз қарапайым лампаны неше рет ауыстырасыз? 2. Кез келген тұрмыстық техниканы дұрыс қолдануды үйреніңіз Мәселен, тоңазытқышты электр плитасының не жылыту жүйесінің жанына орналастырар болсаңыз, шығыныңыз еселене түседі. Себебі, қажетті температураны ұстап тұру үшін құрылғыға көбірек энергия қажет болады. Сондай-ақ, тоңазытқышқа ыстық тамақ салудан аулақ болыңыз. Шама келсе, суытып барып салған жөн. Тоңазытқышқа қатырып қойған тамақты да уақытында ерітіп тұрыңыз. Өйткені, мұздатқыш камерасының қабырғасында мұз тұрса, электрэнергиясын пайдалану 15-20 пайызға өсіп жатыр деген сөз. Тоңазытқыштың есігін ашып-жаба бермеңіз. Сәйкесінше, ұзақ уақыт ашып тұрған тіпті "қызыл шығынның" өзі. 3. Үйден шығарда жарықты өшірудің ұмытпаңыз! Электрэнергиясын үнемдеудің ең оңай жолы осы шығар. Артық күш жұмсаудың да қажеті жоқ. Егер ұмытып кете беретін болсаңыз, шығар ауыздағы есікке жазып қойыңыз. Сізге бір түрлі көрінуі мүмкін. Бірақ, бұл өте тиімді тәсіл. Себебі, кеңселерде бұл тәсілді көп қолданады. 4. Лампаны сүртіп тұрыңыз Пәтеріңізде электр энергиясын үнемдеймін деп шешсеңіз, үй жинап жатқан кезде лампаны да сүртіп тұрыңыз. Бұл қарапайым кеңеске көбісі мән бермеуі мүмкін. Себебі, лампа жанып кетсе, басқасын сала саламын деген оңайырақ. Бірақ, көп күшті қажет етпейтін осы кеңесті есіңізге сақтағайсыз. Лампада жиналған шаң жарықтың 20 пайызға жуығын "жұтып" алады. Соның әсерінен бөлменің жарығы азаяды.   5. Үйіңізге жөндеу жүргізіңіз Үйіңізге жөндеу жүргізіп жатсаңыз, бөлмеге ақшыл түсті түсқағаз жабыстырыңыз немесе қабырғаны ақ түске бояңыз. Ақшыл түстер сәуленің 80 пайызға жуығын қайтара алатын қасиетке ие. Ал, неғұрлым күңгірт түстер жарықтың тек 9 пайызын ғана бере алады. 6. "А" класындағы құрылғыларды көбірек сатып алыңыз Тұрмыстық техникаларды сатып алған кезде энерготиімділік жапсырмасына баса назар аударыңыз. Ол жерде қанша энергия жоғалтатыны туралы анық жазылады. Мәселен, "А" класындағы модельдер энергияны максималды шамада сақтаса, "G" класы минималды шамада сақтайды. Қазіргі таңда шығарылып жүрген құрылғыларда тіпті "А+" және "А ++" кластары да бар. Яғни, олардың энергия сақтау шамалары тіптен жоғары. 7. Электр құрылғыларын өшіріп жүріңіз Теледидар, компьютер сынды құрылғылар күніне бірнеше сағат қосылып тұрады. Яғни, қосылып тұру деген кезде барлығымыз оны пайдаланған сәтімізді ғана айтамыз. Батырманы басып, өшірген соң ол жұмысын тоқтатады деп ойлаймыз. Ал, негізінде тоқтан өшірілмеген құрылғы бұрынғысынша қосылып, энергияны жей береді. Сол себепті тыңғылықты өшіріп қойғаныңыз өзіңізге жақсы. Бір жағы осы болса, екінші жағынан - қауіпсіздікті қамтамасыз етеді.