Алматы. 7 маусым. 7kun.kz – Қазақстандық жұмыс берушілердің қызметкерлер алдындағы жалақы қарызы 1,63 млрд теңге болды. Бұл туралы Еңбек және халықты әлеуметтік қорғау министрлігі хабарлады.

Министрліктің мәлімдеуінше, бұл сома 2019 жылдың 31 мамырында белгіленді. Барлығы 138 кәсіпорында төлемдерді күткен 4,7 мың жұмысшы бар.

«Ағымдағы жылдың басымен салыстырғанда берешек 345 млн теңгеге төмендеді. 2019 жылдың 1 қаңтарында 139 кәсіпорында 6,2 мың жұмысшы алдында 1,97 млрд теңге болды», - деп атап өтті Еңбек министрлігінде.

Сонымен қатар, 1,63 млрд теңгенің 681,3 млн теңгесі 43 кәсіпорында 2,2 мың қызметкер алдында мерзімі өткен. Банкроттық кәсіпорындарында және оңалту сатысындағы берешектер 95 кәсіпорында 2,5 мың қызметкер алдында 953,6 млн теңгені құрады. Егер салалар бойынша қарайтын болсақ, төлемдерге қатысты проблемалар негізінен құрылыс, қызмет көрсету және т.б. салаларда байқалды.

«Ағымдағы жылдың басынан бері мемлекеттік еңбек инспекторлары қабылдаған шаралар нәтижесінде 742 кәсіпорында 2,88 млрд теңге жалақы бойынша қарыз өтелді және 20 мыңнан астам қызметкердің құқықтары қорғалды. Аталған кәсіпорындардың басшыларына 456 ұйғарым беріліп, 63,8 млн теңге 451 айыппұл салынды. Қарызды төмендету бойынша жұмыс жалғасуда», - деп сендірді министрлік.